www.psyhelp.am և www.psyarmenia.com -ից
Մի անգամ օվկիանոսային գորտը եկավ ու ընկավ ջրհորի մեջ: Այնտեղ նրան դիմավորեց տեղացի գորտը, ով ամբողջ կյանքը անց էր կացրել այդ ջրհորում: Նա հարցրեց.
— Հետաքրքիր է, թե որտեղի՞ց ես եկել:
— Ես եկել եմ օվկիանոսից:
Ջրհորի գորտը հարցրեց.
— Իսկ օվկիանոսը ջրհորից մե՞ծ է:
Իհարկե այդ պահին նրա աչքերում անվստահություն կար, իսկ գիտակցության մեջ՝ կասկած՝ ինչպե՞ս կարող է ինչ-որ բանը ավելի մեծ լինել, քան այն ջրհորը, որի մեջ ես ապրում եմ: Օվկիանոսային գորտը ծիծաղեց և պատասխանեց.
— Դժվար է այդ առումով ինչ-որ բան ասել, քանզի այնտեղ չկա չափ:
Ջրհորի գորտն ասաց.
— Այդ դեպքում ես քեզ չափ կտամ, որ դու կարողանաս որոշել:
Նա սուզվեց ջրհորի խորության մեկ քառորդի չափով և հարցրեց.
— Այսքա՞ն:
Օվկիանոսային գորտը ծիծաղեց և ասաց.
— Ոչ:
Այդ ժամանակ ջրհորի գորտը ավելի խոր սուզվեց՝ մինչև ջրհորի խորության կեսը և հարցրեց.
— Այսքա՞ն:
Օվկիանոսային գորտը պատասխանեց.
— Ոչ:
Այդ ժամանակ ջրհորի գորտը իջավ մինչև ջրհորի հատակը և հանդիսավորությամբ հարցրեց.
— Այ հիմա դու արդեն չես կարող ասել «ոչ»:
Օվկիանոսային գորտը ասաց.
— Դու կարող ես նեղանալ, իսկ ես չեմ ուզում անքաղաքավարի գտնվել, սակայն պատասխանը առաջվանն է՝ ոչ:
Այդ ժամանակ ջրհորի գորտն ասաց.
— Դուրս կորիր այստեղից, սուտասան: Այս ջրհորից ավելի մեծ ոչինչ չկա:
Մայքլ Պարկես «Փորձի Հրեշտակը»
