168.am-ը գրում է.
ԱՄՆ գործող նախագահ Բարաք Օբաման սկսում է իր վերջին միջազգային շրջագայությունը՝ որպես ԱՄՆ նախագահ: Ինչպես հայտնում են Սպիտակ տանը, 6-օրյա ուղևորությունը կմեկնարկի երկուշաբթի:
ԱՄՆ նախագահի վարչակազմից հայտարարում են, որ այցի նպատակն է համոզել միջազգային առաջնորդներին, որ նրանք չպետք է անհանգստության առիթ ունենան Դոնալդ Թրամփի ընտրության առնչությամբ:
Այցի շրջանակում Օբաման կայցելի Հունաստան և Գերմանիա, այնուհետև Պերուում ներկա կգտնվի Ասիա-խաղաղօվկիանոսյան տարածաշրջանի գագաթաժողովին, որտեղ հանդիպում կունենա Չինաստանի առաջնորդի հետ:
Ինչ վերաբերում է շրջագայության եվրոպական մասին, ապա Հունաստանում Օբաման կհանդիպի երկրի վարչապետ Ալեքսիս Ցիպրասի, Գերմանիայում՝ կանցլեր Անգելա Մերկելի, Մեծ Բրիտանիայի վարչապետ Թերեզա Մեյի, Ֆրանսիայի նախագահ Ֆրանսուա Օլանդի հետ:
