ԱՄՆ նախկին պետքարտուղար Հիլարի Քլինթոնի նախընտրական արշավի հետազոտական ստորաբաժանման ղեկավար Նևին Նեյաքն ԱՄՆ նախագահի ընտրություններում պարտության համար մեղադրել է ՀԴԲ տնօրեն Ջեյմս Կոմիին: Այս մասին հայտնում է Politico-ն:

«Մենք կարծում ենք, որ ընտրություններում անցած շաբաթ ենք պարտվել: Կոմիի նամակը քվեարկությունից 11 օր առաջ օգնել է միաժամանակ նվազեցնել ակտիվությունը և որոշ մարդկանց հանել մեր աջակիցների թվից կրթված սպիտակամորթ ընտրողների շրջանում, հատկապես արվարձաններում»,- գրել է նա:

Նեյաքը նաև նշել է, որ Կոմիի երկրորդ նամակը նպաստել է միլիարդատեր Դոնալդ Թրամփի օգտին քվեարկած ընտրողների ակտիվության մեծացմանը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել