ՊԵԿ նախագահը բավականին լուրջ կապիտալի տեր մարդ է։ Իհարկե, «Գազպրոմ Արմենիան» այն կազմակերպությունն է, որը կարող է իր՝ այն էլ ղեկավար օղակներին այնքան բարձր աշխատավարձ տալ, որ վերջիններս կարճ ժամանակում կուտակեն նման հարստություն։ Խնդիրն այն չէ, թե ինչու է այս մարդը այսքան հարուստ, խնդիրն այն է, որ մի ժողովուրդ, որի 50 տոկոսը աղքատության և չքավորություն մեջ քարշ է տալիս իր գոյությունը, որովհետև ստիպված է փակել ոչ միայն «Գազպրոմ Արմենիայի» կուտակած ավելի քան 33 միլիոն դոլարի պարտքը սեփական հարկերի միջոցով, այլ նաև ստիպված է լուռ հանդուրժել, թե ինչպես են իր գլխին պարտք կուտակող վատ աշխատողները կամ իրենց Իրանից այլընտրանքային և էժան գազի հնարավորությունից զրկողները միլիոնավոր դրամների հասնող աշխատավարձ ստանում։ Ահա թե ինչու ժողովրդին պետք է հետաքրքրի և ժողովրդին գոնե ԶԼՄ-ների միջոցով հասանելի լինեն պետական պաշտոնյաների ունեցվածքը, քանի դեռ այդ ունեցվածքը կուտակվում է 35 տոկոս աղքատների և 19 տոկոս թերսնված հայ մանուկների հաշվին, դա պետք է հետաքրքրի ժողովրդին։
Նյութի աղբյուր՝ https://www.facebook.com/armine.vardevanyan.9/posts/236824623398893?notif_t=close_friend_activity¬if_id=1477977129604736
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
