Картинки по запросу քարիմովՈւզբեկստանի նախագահ Իսլամ Քարիմովի մահվան լուրն այսօր վերջապես հաստատվեց: Այն, որ Քարիմովը մահացել է շատ ավելի վաղ, գիտեն բոլորը: Սակայն թե ինչու այդ լուրը հայտնեցին այսքան օրեր անց՝ տարբեր մեկնաբանություններ կարելի է տալ: Ոմանց կարծիքով այդ լուրն իսկական խուճապ կառաջացներ, եթե այդ մասին հայտարարվեր միանգամից: Ուստի հասարակությանը աստիճանաբար նախապատրաստելու համար ժամանակ էր պետք: վերլուծաբանների մյուս մասի կարծիքով էլ այդպես արվեց, որպեսզի այս ընթացքում իշխանությունը կողմորոշվեր Քարիմովի հավանական իրավահաջորդի հարցում: Եվ միայն նրա դուստրը պարզություն մտցրեց այս խառնաշփոթի մեջ, երբ այսօր, հոր մահվան լուրն ի աշխարհ տարածելուց երկու ժամ անց համացանց ներբեռնեց արդեն ձայնագրված, ձայնադրված ու անգամ տեսահոլովակի վերածված սիրելի հոր հիշատակին գրված իր նոր երգը: Հիմա այլևս ոչ մի կասկած ու տարակուսանք չկա, որ Քարիմովի մահվան լուրը նրա մահից 10 օր հետո աշխարհին հայտնելու միակ պատճառն այն էր, որ Գյուլնարայի մուսաները լքել էին նրան և ոչ մի կերպ չէր ստացվում երգ գրել: Այս հարցում Գյուլնարան խոշոր հաշվով զիջեց իր ադրբեջանցի ՛՛բախտակից՛՛ Լեյլա Ալիևային, որն իր սիրելի պապիկի հիշատակին նվիրված երգը հասցրել էր գրել պապիկի մահից հինգ րոպե առաջ...
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել