Araratnews.am-ը գրում է.
Ռուս զբոսաշրջիկների շրջանում մերձավոր երկրներից ամենամեծ պահանջարկն ունեն Մոլդովան, Հայաստանը, Վրաստանը, Ղրղզստանը և Ադրբեջանը` հայտնում է Tutu.ru զբոսաշրջային կայքը` ուսումնասիրելով գնված ավիատոմսերի տվյալները:
Նշվում է, որ հուլիս ամսվա համար ամենամատչելի ավիատոմսերը ռուս զբոսաշրջիկները կարող են գնել Բելառուս, Մոլդովա և Ադրբեջան մեկնելու համար:
Այս տարի 2015-ի հուլիսի համեմատ ավելի քան 2 անգամ աճել է կայքում Մոսկվայից Երևան, Բաթում և Բաքու գնված տոմսերի քանակը։ Դեպի Երևան ավիատոմսի միջին գինը նվազել է գրեթե 6 տոկոսով՝ 2015-ի հուլիսի համեմատ (9330 ռուբլուց նվազելով մինչև 8792 ռուբլի): Իսկ ահա Մոսկվայից դեպի Բաքու ավիատոմսի միջին գինը նվազել է 30 տոկոսով (12.247 ռուբլուց հասնելով 8737 ռուբլու):
Նյութի աղբյուր՝ http://araratnews.am/moskva-yerevan-aviatomseri-gineh-nvazel-e-6-ov-isk-moskva-bakhu-aviatomseri-gineh-30-ov/
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
