Panօrama.am-ը գրում է.
Գերմանիայի խորհրդարանի թուրք պատգամավոր Սևիմ Դագդելենը կոչ է անում արգելել Թուրքիայի նախագահ Ռեջեփ Թայիփ Էրդողանի մուտքը Գերմանիա։ Այս կոչը պատգամավորն արել է այն բանից հետո, երբ Գերմանիայի խորհրդարանում Հայոց ցեղասպանության ճանաչումից հետո խորհրդարանի 11 պատգամավորներ՝ ներառյալ ինքը, հայտնվել են ոստիկանության պաշտպանության ներքո՝ թուրք ազգայնականների կողմից հնչող մահվան սպառնալիքների պատճառով։
Սևիմ Դագդելենը Bild-ին ասել է, որ Թուրքիայում յուրաքանչյուրը, ով կոչ է անում բռնություն կիրառել Գերմանիայի խորհրդարանի պատգամավորների նկատմամբ, պետք է սահմանվի Գերմանիա մուտքի արգելք։
«Սա վերաբերում է նաև նախագահ Էրդողանին»,-ասել է պատգամավորը։
Ինչպես գրում է EUobserver-ը, 11 պատգամավորներին առանձնացրել էր նաև Էրդողանը՝ ասելով, որ նրանք «ահաբեկչական կազմակերպությունների խոսափող են», որ նրանց արյունը «մաքուր» չէ և պետք է «լաբորատոր քննության» ենթարկվի։
Ամբողջական հոդվածը կարող եք կարդալ այստեղ
