Վերջին տարիների մեջ առաջին անգամ եմ լսում, որ Հայաստանում նախընտրական քարոզարշավը կառուցվի ոչ թե նեգատիվի ու քննադատության շուրջ, այլ հարգանքի ու սիրո։ Շատ խելացի քայլ էր Րաֆֆի Հովհաննիսյանի կողմից ու շատ հաջող ճառ էր, ըստ իս, նամանավանդ, երբ նա սիրո մասին իր թեզը ավելի ծաղկացրեց Մարտին Լյութեր Քինգի հայտնի խոսքով, որ խավարը խավարով չես ցրի, խավարը ցրելու համար լույս է պետք։ Ուստի ատելության մթնոլորտը հաղթահարելու համար էլ սեր է պետք, ոչ թե էլ ավելի ուժեղ ատելություն։ Ես, իհարկե, իրատես եմ ու գիտակցում եմ, որ Րաֆֆիի շանսերը փոքր են հաղթելու, բայց նա կարող է դուրս քաշել մեր ընդդիմադիր դաշտը չարության ու ատելության այն ճահճից, որում այն հայտնվել է։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել