Մեր բնավորության մասին խոսում են նույնիսկ այնպիսի մանրուքներ, ինչպիսին ժեստերն են, աչքերի գույնը, շուրթերի ձևը, մազերի գույնը… Այս շարքում պետք է նշել ևս մի կարևոր բան, որը կօգնի ձեզ հասկանալ դիմացինի բնավորությունն առանց երկար ժամանակ նրան ուսումնասիրելու, շփվելու:
Բացահայտեք մարդկանց ակնհայտ նախանշաններով, իսկ այս անգամ կփորձենք անել դա ըստ քայլվածքի:

Արագ, նյարդային ու անհանգիստ քայլվածքը խոս
ում է ակտիվ, կենսասեր մարդու մասին: Նրանք ճկուն են, շուտ կողմնորոշվող,առույգ:

Իսկ այ դանդաղ քայլվածք ունեցողներին բնորոշ են թուլությունը, հանգստությունը և նույնիսկ ալարկոտությունը: Նրանք, ովքեր դանդաղ են քայլում, դժվար են գործ սկսում, դժվար է նրանց ստիպել արագ կողմնորոշվել:

Լայն քայլեր դնողները էքստրավերտներն են: Այսպիսի մարդիկ նպատակասլաց են, նախաձեռնող, նաև գործունյա են: Հաճախ այս տիպին տղամարդիկ են պատկանում, քան կանայք:

Փոքր քայլերը բնորոշ են ինտրավերտներին: Այսպիսի մարդիկ են զուսպ են, զգույշ, հաշվենկատ, կարողնաում են հարմարվել, ճիշտ ըմբռնել դրությունը, իրավիճակը: Կարողանում են սրամտել: Այս տիպն ավելի բնորոշ է կանանց: Իսկ եթե վերջիններս քայլում են մեծ քայլերով և դանդաղ, ակնհայտորեն ձգտում են ցուցադրել իրենց, գրավել ուշադրություն:

«Թուլացած» քայլվածքը ցույց է տալիս մարդու անտարբերությունը դեպի շրջակայքն ու շրջապատողները: Այսպիսի քայլվածքը բնորոշ է դեռահասներին և երիտասարդներին, որոնք մշտապես կոնֆլիկտի մեջ են մեծահասակների հետ: Հաճախ իրենց մասին շատ մեծ կարծիքի են լինում:

Խաթարված ռիթմով քայլվածքը մատնում է մարդու թուլությունը: Նա կարող է զիջել ճանապարհը, փոխզիջումների գնալ, միայն թե անհարմար վիճակի մեջ չընկնի: Այսպիսի մարդիկ վախ են զգում շրջապատողներից:

Եթե հստակ ռիթմով են քայլում, բայց ճոճվում են աջ ու ձախ շարժելով կոնքերը, հաճախ են տարբերվում իրենց ինքնավստահ, գոռոզ պահվածքով: Նրանք բարձր կարծիք ունեն իրենց հմայքի մասին և ձգտում են ամեն կերպ գրավել տղամարդկանց ուշադրությունը:

Եթե քայլում են դանդաղ, փոքր քայլերով ձգտելով մարմնի վերին հատվածը շատ ուղիղ պահել, ապա այսպիսի մարդիկ հաճախ բարդույթավորված են, զսպված, շրջապատի հետ շփվելու խնդիրներ ունեն:

Նրանք, ովքեր արհեստականորեն ազդակային քայլվածք են ստեղծում. ընդգծված արագ և մեծ քայլերով են քայլում թափահարելով ձեռքերը, փորձում են ակտիվ երևալ: Սակայն շատ հաճախ նրանք իրականում ոչ մի լուրջ գործ, զբաղվածություն չունեն: Այդ քայլվածքն ու հոգեբանությունը ավելի շատ հիշեցնում է «վազք տեղում»:

 

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել