Ակնհայտ է, չէ՞… Հենց Հայաստանի իշխանության ներկայացուցիչներն են ասում, որ մեր երկրում տեղակայված ռուսական ռազմակայանը ռազմական տեսանկյունից չի կարող արգելք հանդիսանալ թուրքական ներխուժմանը: Մյուս կողմից, տեսնում ենք, որ չնայած 2010թ. հայ-ռուսական պայմանագրին՝ ռուս զինվորականներին մեկ է, թե ինչ է կատարվում հայ-ադրբեջանական սահմանին: Հարց է առաջանում՝ հետևաբար ի՞նչ գործ ունի ռուսական հենակետը Հայաստանում: Կասեք՝ քաղաքական գործոն է. ի ցույց է դնում, որ Ռուսաստանը հայ-թուրքական սահմանին է, բայց դրա համար ԼԻՈՎԻՆ բավարար է հայ-ռուսական վերոհիշյալ պայմանագիրը: Այսինքն, մեզ պետք է պայմանագիրը, բայց ոչ ռուսական ռազմակայանը, որովհետև ռուսական ռազմակայանի գոյությունը մեզ ՈՉՆՉՈՎ չի օգնում: Վստահ եմ՝ եթե այստեղ չլիներ ռուսական հենակետը, Ռուսաստանն ԱՆՉԱՓ շահագրգռված կլիներ հայկական զինված ուժերի հզորությամբ: Միգուցե «Իսկանդերներն» իրենց մարտագլխիկներով փոխանցեր: Օրինակները կան:
