Panorama.am-ը գրում է․
«Սահմանադրությունը վերնաշապիկ չէ, որն ամեն օր կարելի է փոխել, բայց եթե առաջացել է բարեփոխումների անհրաժեշտություն, պետք է իրականացնել»,- լրագրողների հետ զրույցում ասաց Եվրոպայի խորհրդի Վենետիկի հանձնաժողովի նախագահ Ջիանի Բուքիքիոն:
Նա շեշտեց, որ սահմանադրական բարեփոխումներ պետք է իրականացնել հնարավորինս լայն քաղաքական կոնսենսուսի պայմաններում բոլոր քաղաքական ուժերի միջև:
«Կոչ եմ անում բոլոր քաղաքական ուժերին կառուցողական դիրքորոշում որդեգրել այս գործընթացում: Հույս ունեմ, որ սահմանադրական բարեփոխումների հայեցակարգը կստանա իր կոնկրետացումը, կլինի հասարակական, քաղաքական շրջանակներում լայն կոնսենսուս»,- նշեց Ջիանի Բուքիքիոն:
Նա ասաց, որ սահմանադրական բարեփոխումների մասնագիտական հանձնաժողովի կողմից կազմված հայեցակարգը Վենետիկի հանձնաժողովի կողմից դրական եզրակացության է արժանացել. «Իհարկե, սա հայեցակարգ է, շատ բան է կախված նրանից, թե ինչ դրսևորումներ կստանան հայեցակարգում ամրագրված դրույթները»:
Ջ. Բուքիքիոն նշեց, որ Վենետիկի հանձնաժողովն իր պատրաստակամությունն է հայտնում այդ հարցում շարունակել համագործակցությունը հայկական իշխանությունների և մասնագիտական հանձնաժողովի հետ:
Ինչ վերաբերում է հայեցակարգի թույլ և ուժեղ կողմերին, Վենետիկի հանձնաժողովի նախագահն ասաց, որ թույլ կողմերը շատ չէին, լավ կլիներ, որ փոքրամասնություններին նվիրված հատվածն ավելի մանրամասն լիներ, թեև ամրագրված էին որոշակի կարևոր իրավունքներ ընդդիմության համար:
Ամբողջական հոդվածը կարող եք կարդալ այստեղ
