Civilnet.am-ը գրում է․
«Խաղաղության և ժողովրդավարության» ինստիտուտի տնօրեն, Ֆրանսիայի Պատվո լեգեոնի շքանշանի ասպետ, Թեոդոր Հեքերի անվան միջազգային մրցանակի դափնեկիր, իրավապաշտպան Լելյա Յունուսի փաստաբանները հայտարարել են, որ իրենց դատապաշտպանը ծեծի է ենթարկվել կալանավայրում, հաղորդում է «Ազատություն» ռադիոկայանի ադրբեջանական ծառայությունը:
Ըստ փաստաբանների սեպտեմբերի 23-ին տարածած հայտարարության՝ Լեյլա Յունուսը ծեծի է ենթարկվել բանտապահի կողմից: Վերջինս իրավապաշտպանին գշել է գետնին, հարվածել գլխին ու երիկամներին, քաշքշել մազերից: Կալանավայրում հերքում են այս տեղեկատվությունը:
Ինչպես հայտնում է contact.az-ը, սեպտեմբերի 25-ին Լեյլա Յունուսի փաստաբան Էլչին Գամբարովին հաջողվել է տեսակցել իր պաշտպանյալին, որից հետո նա հայտարարել է, որ Յունուսի վիճակը ծեծից հետո ծանր է:
«Նա գլխի ուժեղ ցավերի ունի, դժվարությամբ է խոսում, ժամանակ առ ժամանակ կորցնում է գիտակցությունը»,- ասել է փաստաբանը՝ հավելելով, որ Յունուսը վերջերս է վիրահատել աչքերը, և հարվածները կարող են կուրության պատճառ դառնալ:
Ամբողջական հոդվածը կարող եք կարդալ այստեղ
