Pope-Francis-Sex1in.am-ը գրում է.

Հռոմի պապ Ֆրանցիսկոսը կայցելի Հայաստան։ Ինչպես հաղորդում է asbarez.com-ը՝ հղում անելով թուրքական «Սաբահ» թերթին, այս մասին պապն ասել է Վատիկանում Թուրքիայի դեսպան Քենան Գյուրսոյի հետ հանդիպման ընթացքում։

Վատիկանում դիվանագիտական առաքելությունն ավարտող Թուրքիայի դեսպանին Ֆրանցիսկոս պապն ասել է, որ նոյեմբերի 29-ին Թուրքիա նախատեսվող այցից հետո ինքն ակնկալում է այցելել նաև Հայաստան: Թուրքիա այցի ընթացքում նա կոչ է անելու վերջ տալ Մերձավոր Արևելքում քրիստոնյաների սպանություններին, հատկապես Իրաքում և Սիրիայում։

Ֆրանցիսկոս պապը Թուրքիա էր հրավիրվել ամռանը՝ Կոստանդնուպոլսի հույն ուղղափառ պատրիարք Բարդուղիմեոսի կողմից՝ վերջինիս վատիկանյան այցի ժամանակ։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել