Եվրամիությունը համաձայնել է 11 նոր անուն հավելել այն անձանց ցուցակում, որոնց նկատմամբ այցագրային ու տնտեսական պատժամիջոցներ կկիրառվեն Ուկրաինայում ստեղծված իրավիճակի պատճառով: Համապատասխան հրամանը հրապարակվել է Եվրամիության մամլո ծառայության կողմից: Համաձայն հայտարարության՝ պատժամիջոցները կտարածվեն այն անձանց վրա, որոնց գործունեությունն ուղղված է «Ուկրաինայի ինքնիշխանությունը և տարածքային ամբողջականությունը խախտելուն»: Ռեեստրում ներառված անձանց ակտիվները կսառեցվեն, նրանց կարգելվի նաև մտնել ԵՄ երկրներ: Պատժամիջոցները ուժի մեջ կմտնեն շաբաթ, նույն օրն էլ կհայտարարվի պատժամիջոցների տակ հայտնվածների ցուցակը: Ինչպես ավելի վաղ հայտարարել էր Reuters-ը, նոր ցուցակը բաղկացած է հիմնականում ուկրաինացի զինյալներից: 2014թ. մարտին ԵՄ-ն պատժամիջոցներ սահմանեց ռուս պաշտոնյաների, պատգամավորների ու լրագրողների դեմ, ցուցակում ընդհանուր առմամբ ներառվեց 33 մարդ, ապրիլին այն ընդլայնվեց 15 մարդով:
1in.am-ը գրում է.
