Lurer.com-ը գրում է.

Եվրամիությունը տրամադրված է Վրաստանի հետ ասոցացման համաձայնագրի շուտափույթ ստորագրմանը: Այս մասին հայտարարել է Եվրահանձնաժողովի նախագահ Ժոզե Մանուել Բառոզուն՝ Բրյուսելում բացելով Եվրահանձնաժողովի և Վրաստանի կառավարության համատեղ նիստը:

«Եվրամիությունը համակողմանի օժանդակություն ցույց կտա Վրաստանում քաղաքական, տնտեսական և դատական բարեփոխումների գործընթացին»,- խոստացել է նա:

Եվրամիությունը մտադիր է արդեն ամռանը Վրաստանի և Մոլդովայի հետ ստորագրել ասոցացման համաձայնագրեր, որոնք, մասնավորապես, նախատեսում են եվրոպական ապրանքների համար այս երկու պետությունների շուկաների լիակատար բացում, հաղորդել է ԻՏԱՌ-ՏԱՍՍ-ը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել