Հետաքրքիր է՝ ինչու հատկապես հիմա սկսեցին հիշել Նաիրի Հունանյանին: Եթե երևույթներին նայենք ոչ փիլիսոփայական դիտանկյունից, ապա այսպիսի պատահականությունը բավական քաղաքականացված կթվա: Ինչու՞ այս թեման նման բացահայտումով հայտնվեց ինֆոտարածություն Ռոբերտ Քոչարյանի վերջին հարցազրույցից հետո: Ակնհայտ է, որ հոկտեմբերի 27-ը քաղաքական հրետանի է, և դրա կիրառումը հազիվ թե տեղի ունենար, եթե երկրորդ նախագահի ասածներում իշխանության ձգտում չնշմարեր ներկայիս իշխանությունը: Դժվար է ասել, թե նրա որ միտքն է հատկապես քաղաքականություն մուտք գործելու հայտ ընկալվել, բայց քաղաքականության մեջ, եթե նույնիսկ կան պատահականություններ, որոնք, սակայն, ունենում են որոշակի հաջորդականություն, ապա դրանք այլևս ոչ թե պատահականություններ են, այլ՝ գործընթացներ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել