Replik.am-ը գրում է.
Երեկ երեկոյան Ղրիմի հանրաքվեի արդյունքների ամփոփման վերաբերյալ «Вести недели» հաղորդման ժամանակ Դմիտրի Կիսելյովը սպառնացել է ԱՄՆ-ին ատոմային հարվածով այն դեպքում, եթե Ռուսաստանի և ԱՄՆ-ի միջև հակամարտությունը խորանա:
«Ավելի վաղ ամերիկացիներն ասում էին, որ սառեցնում են Սոչիում հունիսին կայանալիք՝ «Մեծ ութնյակի» հանդիպմանը պատրաստվելու աշխատանքները: Իբր ոչինչ չունեն խոսելու Ռուսաստանի հետ: Սակայն եթե դա այդպես է, ինչու է Օբաման անընդհատ զանգահարում Պուտինին»,-հռետորական հարց է բարձրացրել հաղորդավարը, միևնույն ժամանակ հայտնվել է ԱՄՆ նախագահի լուսանկարը՝ «Մազերը ճերմակած» տեսքով: Ապա Կիսելյովը ինքը պատասխանել է իր հարցին՝ ասելով, որ Ռուսաստանը կարող է ԱՄՆ-ը վերածել ռադիոակտվի մոխրի, իսկ այդ ընթացքում էկրանների վրա հայտնվել է միջուկային պայթյուն պատկերող ֆոնային լուսանկար՝ «Միջուկային մոխիր» անվամբ:
