Հերթական աբսուրդը՝ կազմակերպված Ադրբեջանի կողմից

Ամիս առաջ տեղեկատվություն է տարածվում, որ Ստամբուլում 2014թ. փետրվարի 19-22ը միջազգային երիտասարդական ֆորում է կազմակերպվում՝ եվրոպական ֆոնդերի հաշվին, որն ուղղված է լինելու տարածաշրջանում խաղաղության ստեղծմանը, կառուցմանն ու զարգացմանը, որտեղ պետք է մասնակցեին հիմնականում սևծովյան տարածաշրջանի և Հարավային Կովկասի երիտասարդները` Վրաստանից, Ուկրաինայից, Ռուսաստանից, Մոլդովայից, Հայաստանից, Թուրքիայից, Ադրբեջանից, Հունաստանից, Ալբանիայից, Ռումինիայից, Բուլղարիայից ու Սերբիայից: Ծրագրի հիմնական «նպատակն է» ցույց տալ վերը նշված երկրներում տիրող իրավիճակը ու խաղաղության պահպանմանն ուղղված միջոցառումներ իրականացնել ֆորումին ներկա երիտասարդների ուժերով: Հայ մասնակիցները ամիս առաջ մասնակցության հայտ են ներկայացնում և պատասխան են ստանում կազմակերպիչների կողմից, որ իրենց մասնակցությունը հաստավում է ֆորումին, որից հետո մեր հայ մասնակիցը, ով հիմա Հրանտ Դինքի հիմնադրամում կամավոր է, պատրաստվում էր մասնակցել միջոցառմանը, երեկ նամակ է ստանում, որ իրենց` հայ մասնակիցների, մասնակցությունը կանխվում է, քանի որ այնտեղ հիմնական միջոցառումներն ուղղված են լինելու «հայ զինվորների կողմից մասսայաբար Խոջալույում կոտրորվածների հիշատակը հարգելուն, ինչպես նաև ադրբեջանական կողմը` հանդիսանալով կազմակերպիչն այս ծրագրի, իր գործողություններն ուղղելու է այս դեպքերի մասսայական իրազեկմանը և վերը նշված դեպքերի ճանաչմանն ուղղված գործողություններին` Թուրքական կողմի աջակցությամբ»: Հայ մասնակցին ուղղված նամակի վերջում էլ հավելված է՝ հաշվի առնելով այս ամենը, մենք չենք ցանկանում և հրաժարվում ենք ձեզ որպես մասնակից ընդունելուց, քանի որ չենք երաշխավորում ձեր անվտանգությունն ու պաշտպանվածությունը…: 
Էս հլը մի կողմ…հիմա ստեղ հարցա առաջանում, իսկ «ովքե՞ր» են ներկայացնելու Հայաստանն ու «ինչպե՞ս»..., պարզ է, որ ծրագրի ֆինանսները ստացել են, քանի որ Հայաստանի մասնակցությունն էլ է ներկայացված եղել ու մի ձև պետքա ինչ-որ մասնակիցներով լրացնեն Հայաստանի անունից ներկայանալու համար, որ ինչ-որ բաներ ներկայացնեն ….որպեսզի էդ եվրոպական ֆոնդերին ապացուցեն, որ ծրագրին տրված գումարները իրենց նպատակին են ծառայել, ուղղված վերը նշված «խաղաղության կառուցմանը»…
Պարզ է դառնում, որ Թուրքիան հենց այն երկիրն է, որտեղ նմանատիպ միջոցառումներ իրականացնելը «ճիշտ տեղն է», ու ցեղասպանության 100-ամյա տարելիցի դեմ ուղղված նմանատիպ միջոցառումները «ճիշտ տեղին են» ադրբեջանական հերթական սուտ ու հիստերիկ ակցիաների միջոցով ներկայացնելու համար:
Հ.Գ Երեկ նամակ ստացա թուրք ծանոթից, ով աշխատում է Թուրքիայի սպորտի և երիտասարդության հարցերով նախարարությունում, որ իրեն հրավիրել են մասնակցել այս ֆորումին, քանի որ տեղեր են ազատվել, պատճառն էլ այն է, որ հայ մասնակիցները հրաժարվել են մասնակցությունից…