«Ժառանգություն» կուսակցությունում իսկապես քիչ չեն կայացած մարդիկ, սակայն այնպիսի տպավորություն է, որ նրանց վրա՝ շատ կարճ ժամանակ հետո, դնում է Րաֆֆի Հովհաննիսյանի «թոզը»։
Տեսեք՝ նույն Թևան Պողոսյանն ակտիվ էր քաղաքացիական սպեկտրում. համենայն դեպս՝ նրան ոչ ոք չէր ենթադրում տեսնել «Ժառանգության» համամասնական ցուցակում։
Բայց ցուցակը կազմվեց միայն Րաֆֆուն հայտնի սկզբունքով, իրադարձություններն այնպես «հարմարեցվեցին», որ Թևանն անպայման մանդատ ունենա։
Հետո՝ բոլորի համար անակնկալ, Թևանը մանդատից հրաժարվեց, ավելի ուշ՝ այդ հրաժարումից հրաժարվելու համար։
Ըստ ամենայնի՝ Հովհաննիսյանը կուսակցությունը կառավարելի դարձնելու բանաձև է գտել, որի իմաստն այն է, որ նրա կրտսեր գաղափարակիցները «պատճենահանեն» նույն Րաֆֆու հակասական վարքուկանոնը…

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել