Panorama.am-ը գրում է.
ԶԼՄ-ները հայտնում են, որ Մեծ Բրիտանիայի թագուհի Եղիսաբեթ II-ին դուր չի եկել թոռան՝ արքայազն Հարրիի սիրելիի՝ Մեգան Մարկլի պահվածքը: Ըստ շշուկների՝ նա հավանություն չի տալիս դերասանուհու հետ թոռան միությանը, գրում է teleprogramma.pro-ն:
Մամուլն արդեն մի քանի անգամ քննարկել է արքայազն Հարրիի և Մեգան Մարկլիի հնարավոր հարսանիքի մասին: Նույնիսկ խոսակցություններ կային, որ արքայազնն արդեն իր սիրելիի ձեռքն է խնդրել: Եվ չնայած զույգը գրեթե չի մեկնաբանում իրենց հարաբերությունները, որոշ ժամանակ առաջ նրանք առաջին անգամ միասին հայտնվեցին հանրության առաջ: Հարրին ու Մեգանն այցելել էին Տորոնտոյում թենիսի խաղի և չէին թաքցրել իրենց նուրբ զգացմունքները։
Սակայն թագուհին խիստ հիասթափվել է թոռան հնարավոր հարսնացուի վարքից։ Նա կարծում է, որ Մեգանը միանգամայն անպատշաճ է դրսևորել իրեն։ «Արքայազնի ընկերուհին չպետք է հանրության մեջ հայտնվեր կոպիտ վերնաշապիկով, պատառոտված ջինսով և տձև պայուսակով»,- ասել է թագավորական ընտանիքին մոտ անանուն աղբյուրը:
Այդուհանդերձ, թագուհին դեռ հույս ունի, որ արքայազն Հարրիի սիրելին կսովորի իրեն ավելի արժանավայել դրսևորել՝ ընտանիքի լիիրավ անդամ դառնալու համար։
Ամբողջական հոդվածը կարող եք կարդալ այստեղ։