Լրագրողի հետ զրույցում կիսահռետորական հարց բարձրացնելով, թե ի՞նչ կա, որ ՀՀ իշխանություններն Արցախի համար չեն անում՝ բացի պատերազմ սկսելուց՝ Մելքոնյան Գագոն ասել է. «Գումարները հատկացնում են, ամբողջ աշխարհում ներկայացնում են, թե Արցախի վիճակն ինչ ձևի վիճակ ա»: Միաժամանակ Գագոն հայտարարել է, թե 30 տարի Հայաստանից Արցախ ուղարկված գումարները լրիվ մսխվել են, թալանվել են: «Ու ոչ մի անգամ հըլը էստեղից չեն պահանջել, թե էդ գումարներն ինչ եղավ, ինչ արեցին»,-հայտարարել է զինվորների ներքնաշորերից միլիոններ քամած Գագոն՝ խեթ-խեթ նայելով լրագրողին:

Իրավիճակի մարազմայնությունն այն է, որ «թալանի» մասին հանդգնում է խոսել մեկը, ով, երկար տարիներ ի վեր բանակի թիկունքի պետը լինելով, տառացիորեն քերել է բանակը: Այսինքն՝ եթե Հայաստանում երբևիցե թալան եղել էլ է, ապա դա իրականացվել է Մելքոնյան Գագոյի միջոցով:

Մյուս կողմից՝ «նոր Հայաստանում» իշխանավորները սովոր չեն հաշիվ տալ իրենց բառերի համար, խոսք ասելուց առաջ մտածելուն սովոր չեն, ինչի արդյունքում նույն Մելքոնյան Գագոն ստիպված է լինելու մասսայաբար ներողություն խնդրել Վանեցյանից: Հիմա եթե դատարանը սկսի քննել Գագոյի «բացահայտումները», կարո՞ղ է կրկին ստիպված լինի հիմա էլ ներողություն խնդրել Արցախի ու Հայաստանի նախկին իշխանություններից:

Թերևս, ուղղակի հիմա մնում է հետևողականություն ցուցաբերել ու Գագոյից հաշիվ պահանջել, քանի որ երբ նման մերկապարանոց հայտարարությունները մնում են անարձագանք կամ անպատիժ, ազդեցություն են ունենում հասարակության վրա ու ամրապնդում Նիկոլի իշխանությունը:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել