Վրաստանում պատվաստված հիվանդների մոտ կորոնավիրուսով վարակման դեպքեր են գրանցվել, ընդ որում ինչպես նրանց մոտ, որոնք անցել են իմունիզացիայի միայն առաջին փուլը, այնպես էլ նրանց, որոնք ստացել են դեղամիջոցի երկու դեղաչափերը: Այս մասին գրում է Грузия Онлайн պորտալը:

Երկրի գլխավոր համաճարակաբան Ամիրան Գամկրելիձեի խոսքերով՝ մեկ դեղաչափը ստացած քաղաքացիների շրջանում վարակի տոկոսը կազմում է 0,8%, իսկ ամբողջությամբ պատվաստվածների շրջանում՝ 0,2-0,3%:

«Մենք միշտ ընդգծում և ասում ենք, որ պատվաստումը շատ մեծ կանխարգելիչ նշանակություն ունի: Այնուամենայնիվ, բժշկության մեջ բացարձակ ոչինչ չկա, ուստի պատվաստված անձինք նույնպես կարող են վարակվել: Մենք արդեն ունենք նման դեպքեր»,-ասել է Ամիրան Գամկրելիձեն:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել