Armenpress.am-ը գրում է․

ԵԱՀԿ Մինսկի խմբի ուշադրությունը կենտրոնացված է երկու ոլորտներում` ԼՂ հակամարտության գոտում կրակի դադարեցման և խաղաղ շրջաններում մարտական գործողությունների դադարեցման վրա: «Արմենպրես»-ի հաղորդմամբ` այս մասին  հայտարարել է ԱՄՆ պետքարտուղարի ռազմաքաղաքական հարցերով օգնական Քլարկ Քուփերը ՝ պատասխանելով ՏԱՍՍ-ի թղթակցի հարցերին:

ԱՄՆ պետդեպարտամենտի ներկայացուցիչը  հրաժարվում է հստակեցնել, թե արդյոք ամերիկյան կառավարությունը դիտարկում է Թուրքիային եւ Ադրբեջանին ռազմական օգնության տրամադրումը սառեցնելու տարբերակը՝ ռազմական գործողությունների դադարեցմանն աջակցելու նպատակով, ինչպես առաջարկում են մի շարք ամերիկացի օրենսդիրներ:

«Դուք նշեցիք հրադադարը։ Բայց գործը միայն հրադադարի մեջ չէ: Մենք, իհարկե, ձգտում են հասնել ԼՂ-ում մարտական գործողությունների եւ բնակավայրերի թիրախավորման դադարեցմանը: Դա, անշուշտ, արվում է ԵԱՀԿ Մինսկի խմբի շրջանակներում, որի համանախագահներից է ԱՄՆ-ն: Ահա այստեղ էլ մենք աշխատում ենք ՝ Մինսկի խմբի միջոցով, որպեսզի օգնենք Ադրբեջանին ու Հայաստանին հասնել այն փուլին, երբ կարող է լինել հակամարտության կարգավորումը»,- ասել է Քուփերը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել