Aysor.am-ը գրում է.
Հայ-ամերիկյան կրկնակի հարկման համաձայնագիրը միշտ եղել է ՀՀ կառավարության օրակարգում, կառավարության նիստից հետո լրագրողների հետ զրուցյում ասաց ՀՀ ֆինանսների նախարար Վարդան Արամյանը։
«2008 թվականից, երբ որ ես տեղափոխվեցի Ֆինանսների նախարարություն, չեմ հիշում մեկ տարի, որ հայ-ամերիկյան միջկառավարական հանձնաժողովում այդ հարցը, որպես մեզ համար կարևորագույն հարց, դրված չլինի»,- նշեց նա։
Հարցին՝ ի՞նչ է սա տալիս մեզ, նախարարը պատասխանեց՝ «երբ որ տնտեսվարողները որոշումներ են կայացնում, նրանք նայում են հարկման դաշտն ու դա նրանց համար կարևոր է»։
«Այն երկրները, որտեղ որ կա կրկնակի հարկման համաձայնագիր, որոշակի վստահություն են ներշնչում տնտեսվարողին, որպեսզի հետագայում, եթե ինչ-որ առումով տեղի ունենան որոշակի տարաձայնություններ, խաղի կանոններն ավելի հստակ լինեն, մենք մշտապես ամերիկյան մեր գործընեկերների հետ այս հարցը քննարկում ենք»,- ասաց նախարարը։
Նա նշեց, որ Հայաստանը օրեր առաջ կրկնակի հարկման մասին համաձայնագիր Իսրայելի հետ ստորագրեց։
Ամբողջական հոդվածը կարող եք կարդալ այստեղ
