Artsakhpress.am-ը գրում է.
«Ադրբեջանն առանց քաղբանտարկյալների» հասարակական դաշինքի ղեկավար Օգթայ Գյուլալիեւը հանդիպել է ԱՄՆ դեսպանատան քաղաքական հարցերով խորհրդական Ուիլյամ Սոլեյի հետ:
Պեկինը Վաշինգտոնին եւ Սեուլին կոչ է անում կանգնեցնել THAAD ՀՀՊ-ի տեղակայման գործընթացը:
Չինաստանն ԱՄՆ-ին եւ Հարավային Կորեային վճռականորեն կոչ է անում լրջորեն վերաբերվել տարածաշրջանի երկրների անհանգստությանը ԿՀ-ի տարածքում ամերիկյան THAAD ՀՀՊ-ի տեղակայման կապակցությամբ եւ անմիջապես կանգնեցնել դրա տեղակայման գործընթացը: Այդ մասին հայտնել է ԿԺՀ ԱԳՆ-ի ներկայացուցիչ Գեն Շուանը, տեղեկացնում է Սինհուան:
Գեն Շուանը նշել է, որ չինական կողմը բազմիցս ներկայացրել է իր դիրքորոշումը THAAD ՀՀՊ-ի վերաբերյալ: ԿՀ-ում ԱՄՆ-ի THAAD ՀՀՊ-ի տեղակայումը թույլ չի տա լուծել անվտանգության ոլորտի հարցերը, որոնք համապատասխան կողմերի անհանգստությունն են առաջացնում, չի օգնի հասնել Կորեական թերակղզու ապամիջուկայնացմանը եւ թերակղզում խաղաղության եւ կայունության պահպանմանը: Ընդհակառակը, դա լուրջ վնաս կհասցնի Չինաստանի եւ տարածաշրջանի այլ երկրների շահերին ռազմավարական անվտանգության ոլորտում եւ կխախտի տարածաշրջանում ռազմավարական հավասարակշռությունը: «Մենք վճռականորեն դեմ ենք հանդես գալիս դրան», – հայտնել է դիվանագետը` հավելելով, որ Չինաստանը անհրաժեշտ միջոցներ ձեռք կառնի պաշտպանելու անվտանգության իր ազգային շահերը եւ տարածաշրջանային ռազմավարական հավասարակշռությունը:
