1in.am-ը գրում է.

Իտալիայում տեղի է ունենում արհմիությունների համընդհանուր գործադուլ, որոնք այդպիսով բողոքում են ընդդեմ իշխանությունների ֆինանսական քաղաքականության, հայտնում է ITAR-TASS-ը:

Աշխատավորների բողոքները խորացան երեքշաբթի կառավարության՝ բյուջետային փոփոխություններ կատարելու օրենքի ընդունումից հետո:

Գործադուլի հետ կապված՝ առավել բարդ է իրավիճակը տրանսպորտային ոլորտում. չեղյալ են հայտարարվել կամ հետաձգվել ավիաչվերթեր, փոփոխություններ կան նաև երկաթուղային և ծովային տրանսպորտային հաղորդակցության ոլորտում:

Հռոմում ձեռնարկվել են անվտանգության աննախադեպ միջոցառումներ, քանի որ զանգվածային ցույցերի մասնակիցները երթով անցում են ամբողջ քաղաքում:

Հռոմի քաղաքապետարանը խոստանում է տրանսպորտային հաղորդակցության բարելավում միայն երեկոյան:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել