Emedia.am-ը գրում է.

Պաղեստինի նախագահ Մահմուդ Աբասը, ով հինգշաբթի օրը պաշտոնական այցով Վատիկանում էր, Հռոմի պապ Ֆրանցիսկոս I–ին հրավիրել է այցելել Սուրբ հողը։

Այս մասին հայտնել է ինքը՝ Պաղեստինի ղեկավարը Պապի հետ հանդիպումից հետո։

«Ինձ հաճելի էր առաջին անգամ հանդիպել պոնտիֆիկոսի հետ և ես հրավիրել եմ նրան Սուրբ հող»,– ասել է Աբասը։

Հանդիպման ժամանակ Ֆրանցիսկոսն Աբասին Վատիկանի սբ.Պետրոս հանրահայտ Բերնինիի բալդահինի սյուների տեսքով գրիչ է նվիրել։

«Հուսով եմ, որ այս գրիչով կստորագրեմ Իսրայելի հետ խաղաղության պայմանագիրը»,– ասել է Պաղեստինի նախագահը։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել