Pastinfo.am-ը գրում է.

Հիրավի խելահեղ գումարներ են շրջանառվում ամերիկյան սպորտում: Bleacher Report-ի տեղեկություններով, Adidas ընկերությունը պատրաստ է բազմամիլիոնանոց պայմանագիր առաջարկել ամերիկացի պատանի բասկետբոլիստ Էնդրյու Ուիգինսին, որն այս մրցաշրջանում հանդես է գալու NCAA ուսանողական լիգայի «Քանզաս» թիմում: Հաջորդ տարի 18-ամյա պատանին մտադիր է ընդգրկվել բասկետբոլի ազգային ասոցիացիայի՝ NBA-ի թիմերից մեկում: Որոշ աղբյուրներ պնդում են, որ վերոնշյալ ընկերությունը պատրաստվում է 10 տարվա համագործակցության համար 140-180 մլն դոլար առաջարկել Էնդրյուին, ինչը, պարբերականի գնահատմամբ, խոշոր գործարք է դպրոցը նոր ավարտող տղայի համար: Այլ տեղեկություններով, պատանի տաղանդին փորձում է հրապուրել նաև Nike-ը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել