Ուկրաինական հեռուստատեսությամբ Գարիկ Մարտիրոսյանի հայտարարությունը երգչուհի Շերի մասին ցնցել է համացանցը ու համոզված եմ շատ ու շատ երկրպագուների: Հերիք է միայն այդ տեսանյութի տակ թողնված գրառումները կարդալ, և պարզ է դառնում, թե հազարավոր օգտատերեր ինչ կարծիքի են Շերի, և ինչ կարծիքի Գարիկի մասին:Անվանել անտաղանդ մի երգչուհու, դերասանուհու, ռեժիսորի ու պրոդյուսերի, ով ունի "Գրեմմի", "Էմմի", "Օսկար" և 3 "Ոսկե Գլոբուս" մրցանակներ, ով իր կարիերայի սկզբից սահմանել է անգերազանցելի ռեկորդներ` 50 տարի շարունակ Billboard Hot 100-ում բարձր հորիզոնականներ, ամենաշատ վաճառված սինգլեր, ամենահաջող համաշխարհային շրջագայություններ, բազմաթիվ հիթային կատարումներ, և վերջիվերջո ոճ, որին նմանակում են ու ձգտում այսօրվա համաշխարհային շատ ու շատ աստղեր... 
Մի կողմ եմ դնում ազգային պատկանելությունը, քանի որ չգիտեմ, թե Շերը քանի տոկոսով է հայ ու չգիտեմ, թե Գարիկը քանի տոկոսով է հայ մնացել... 
(1993-ին Շերը Հայաստան եկավ 3 մլն դոլար մարդասիրական օգնությամբ... "Հայաստանում որքա՜ն մարդիկ կան, որ նման են ինձ, ու քանիսի՜ն եմ ես նման, ես 11 տարեկանում եմ իմացել, որ ես հայուհի եմ, և դա ամենաթանկն է, որ ես ունեմ..." Շեր, 1993թ., Երևան)

Ես հարգում եմ մարդկանց ազատ արտահայտվելու իրավունքն ու ցանկությունը, սակայն երբ դա չափի մեջ է... կարելի է ասել, որ դու չես սիրում այդ կատարողին, նա քո ճաշակով չէ, և այլն, և այլն, բայց անվանել անտաղանդ մի քանի սերունդների կուռք, երկրպագուների բազմամիլիոնանոց բանակ ունեցող մի կատարողի, և դա ասում է մարդ, ով այդ կատարողի աշխատանքի անգամ 1 տոկոսն էլ չի արել, դա պարզապես ծիծաղելի է...
Չեմ կարծում, որ "նիժե պօյաս" մի քանի հումորներն ու Մեդևդեվի հետ "տժժալն" է համարվում տաղանդ...

ՀԳ. Ես ավելի քան վստահ եմ, որ Շերի համար, նուրբ ասած, մեկ է, թե դու ինչ ասեցիր իր հասցեին, դու ավելի շատ քեզ վնասեցիր` կորցնելով այն մարդկանց վստահությունը, ովքեր ինչ-ինչ պատճառներով հետևում էին քո գործունեությանը...
ՀՀԳ. Վերջում մի քանի երգերի հղումներ Գարիկի ու բոլոր նրանց համար, ովքեր կարծում են, թե Շերն ընդամենը մի երգ ունի...

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել