Նոյակերտ գյուղի հանդեպ չունենք ժամային գրաֆիկի որևէ պարտավորություն. «Վեոլիա ջրի» արձագանքը

Մամուլում տարածված Արարատի մարզի Նոյակերտ բնակավայրում խմելու ջրի հետ կապված հրապարակումներին ի պատասխան՝ տեղեկացնում ենք, որ Նոյակերտ գյուղը հանդիսանում է ընկերության մեծածախ բաժանորդ, որի հանդեպ «Վեոլիա Ջուր» ընկերությունը չունի ժամային գրաֆիկի որևէ պարտավորություն: Այս մասին հաղորդագրություն է տարածել «Վեոլիա ջուր» ընկերությունը։

Հաղորդագրությունում նաև նշվում է. «Վեոլիա Ջուր» ՓԲԸ-ն գյուղին ջուր է մատակարարում ամեն օր՝ առավոտյան ժամը 06.00-ից մինչև 24.00-ն՝ օրական գյուղին ջուր մղելով վայրկյանում 5 լիտր ջուր: Այսինքն, օրական գյուղին մատակարարվում է 320 խմ ջրաքանակ:

Բաժանորդներին հորդորում ենք՝ գյուղի ներքին ցանցի հետ կապված խնդիրների դեպքում դիմել համայնքապետարան: