Թուրքիայի ազգայնական «İYİ» կուսակցության նախագահ, պատգամավոր Դերվիշօղլու Մուսավաթն օրենքի նախագիծ է ներկայացրել խորհրդարան՝ առաջարկելով Հայաատանի հետ սահմանին տեղակայված Ալիջան անցակետն անվանափոխել Թալեաթի անունով: «Այս անվանափոխությունը միայն ցուցանակի փոփոխություն չէ. այն թուրք ժողովրդի կամքի դրսևորումն է՝ տեր կանգնելու սեփական պատմությանը, հերոսներին և հիշողությանը, քանի որ ազգային հերոսներին մոռացող ժողովուրդները ժամանակի ընթացքում մոռացության են մատնվում…»,-մասնավորապես՝ ասված է ասադրիչ օրինագծում:

Թե ինչու են թուրքերն ընտրել հենց Թալեաթին, պարզ է. ուզում են մեզ հասկացնել, որ ձեռք չեն քաշել 1915-ի Ցեղասպանությունը կրկնելու մտքից: Մյուս կողմից՝ սա ապտակ է՝ ողջ հայ ժողովրդին, որ «թարգմանաբար» ցույց է տալիս, թե Հայաստան-Թուրքիա հարաբերություններում ինչպիսի սուբորդինացիոն համակարգ է գործում. Նիկոլն Էրդողանի տակն է:

Հետաքրքիր է՝ Նիկոլը կարդացե՞լ է օրինագծում զետեղծած վերոհիշյալ տողերը: Թուրքերը ճիշտ են ասում՝ սեփական հերոսներին մոռացող ազգը չունի ապագա, իսկ Նիկոլն ի՞նչ է կարծում:

Նիկոլն էլ է նույնը կարծում, ուղղակի ի տարբերություն հայ ժողովրդի, որի համար Թալեաթը արնախում ցեղասպան է, այսինքն՝ հակահերոս, Նիկոլի համար նա էլ, Էնվերն էլ ու ասենք Նազըմ բեյն էլ իսկական հերոսներ են, ուստի նա իր հայաստանյան միսիան անթերի է կատարում:

Կա՞ ինչ-որ մեկը, որ կարող է կարծել, թե հայկական կողմը կարող է բողոքել թալեաթաբարո այդ օրինագծի դեմ, եթե այն ընդունվի:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել