ԱԺ-ում լրագրողների հետ զրույցում Սիմոնյան Ալենը ռուսներին «պասլատ է արել»՝ նրանց որպես դեգեներատ ու կապիկ հռչակելով: Մասնավորապես՝ անդրադառնալով ՀՀ-ում վերջին իրադարձություններին, այդ թվում՝ գործարար Սամվել Կարապետյանի ձերբակալության շուրջ ՌԴ-ից հնչող արձագանքներին՝ Ալենը բավական կոշտ պատասխան է տվել նաև ռուս քաղաքական գործիչների հայտարարություններին ու մեկնաբանություններին՝ վերաբերող Նիկոլի տեռորին: «Թող բերանները փակեն, ռադները քաշեն: Ես համարում եմ, որ մենք շատ լրջորեն այս բաների հետևանքով պետք է քննարկենք ռուսական հեռուստաալիքների հեռարձակումը դադարեցնելու հարցը ՀՀ-ում»,-փրփրել է Մատվիենկոյին վերջերս Հայաստանում ջերմորեն ընդունած ու բուրավետ ծաղիկներ նվիրած Ալենը:

Ենթադրելի է՝ Մատվիենկոյի հետ Ալենի շփումները արդյունք չեն տվել. ՔՊ-ին չի հաջողվել ռուսներին համոզել աչք փակել ՔՊ-ական «բեսպրեդելի» վրա, չի հաջողվել համոզել, որ «Արևմտյան Ադրբեջանի» ստեղծումը կարող է և ռուսական շահերից բխել:

Բայց այստեղ մի ուշագրավ բան էլ կա. Ալենն ու Իլհամը, փաստորեն, խոսքները մեկ են արել ու հարձակվել ռուսների վրա: Ուղղակի անհնար է այս սինքրոնության մեջ հստակ օրինակաչություն չտեսնել:

Ռուսները մի քանի անգամ անձամբ են փրկել Նիկոլի հետույքը կործանումից: Արդյունքից գո՞հ են: Եթե Հայաստանի ղեկավարը Նիկոլը չլիներ, այսօր Բաքվում ռուսներին աշխարհի առաջ այսպես կխայտառակեի՞ն, Իլհամն իրեն Չինգիզ Խան կզգա՞ր:

Այս տխուր վիճակում չհայտնվելու համար ռուսները պետք է միայն մի բան աներին՝ տարիներ առաջ՝ 2018-ին, Հայաստանի օրինական իշխանություններին աջակցություն հայտնեին, այլ ոչ թե Նիկոլի արկածախնդրությանը միանային ու սեփական ձեռքերով սեփական տունը քանդեին…
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել