Մուրազի Բորիկը սկսել է ակտիվորեն անդրադառնալ Սամվել Կարապետյանի թեմային՝ հանրությանը հասցնելով այն միտքը, որ Կարապետյանն իր ներկայիս կարգավիճակով փաստացի դարձել է քաղաքական խաղացող և եթե չկարողանա բարձրացնել այն ծանրությունը, որի տակ մտել է, ապա կարող է ՌԴ-ում անգամ ունեզրկվել, կորցնել իր պատիվն ու արժանապատվությունը, կոտրվել և այլն:

Կարապետյանի հանդեպ Բորիկի հետաքրքրվածությունը պատահական չէ. նա իր տերերի պատվերով է համապատասխան վերլուծական շեշտադրումներ անում՝ հասարակության մեջ առաջ բերելով մեծ սպասումներ, որպեսզի հետագայում հնարավոր հիասթափությունն էլ մեծ լինի:

Հարց է առաջանում՝ Բորիկի տերերը, որոնց անունները գիտեն բոլորը, որքանո՞վ են շահագրգիռ Կարապետյանի՝ հայկական Իվանիշվիլի դառնալու հեռանկարի հարցում՝ նկատի ունենալով որոշ «վոինների» ախորժակն ու ամբիցիաները: Չափից դուրս լավատես պետք է ինել՝ կարծելու, թե նրանք անկեղծորեն շահագրգիռ են քաղաքական դաշտում որևէ մեկի հաջողության հարցում:

Ակնհայտ է, որ Բորիկի տերերը Կարապետյանի լավն անկեղծորեն ցանկացողների թվում չեն, քանի որ եթե նա հաջողի, ապա «վոինները» մղվելու են առնվազը երկրորդ պլան՝ Բորիկի համար դրանից բխող հետևանքներով:

Հետաքրքիր է՝ Կարապետյանի քաղաքական պատասխանատվության մասին վերլուծություններ անող Բորիկն ինչո՞ւ չի վերլուծում «Հայաստան» դաշինքի քաղաքական պատասխանատվության խնդիրը: Պարզ է՝ չի կտրի այն ճյուղը, որի վրա հարմարավետ բազմել է ու փորն է հաստացնում:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել