Իսրայելի պաշտպանության ուժերը հարվածներ են հասցրել Իրանի տարբեր շրջաններում գտնվող վեց օդանավակայանների և ոչնչացրել 15 մարտական ինքնաթիռ և ուղղաթիռ, երկուշաբթի հայտնել է բանակի մամուլի ծառայությունը:

«Իրանի երկնքում օդային գերազանցությունն ամրապնդելու ջանքերի շրջանակում Իսրայելի պաշտպանության բանակը հարձակվել է Իրանի արևմտյան, արևելյան և կենտրոնական շրջաններում իրանական ռեժիմի վեց օդանավակայանների վրա: Հարվածների հետևանքով վնասվել են թռիչքուղիներ, ստորգետնյա բունկերներ, մեկ ինքնաթիռ-տանկեր և իրանական ռեժիմին պատկանող F-14, F-5 և AH-1 ինքնաթիռներ», - ասվում է հայտարարության մեջ։

Զինվորականները նշել են, որ ոչնչացրել են 15 իրանական ռազմական ինքնաթիռ և ուղղաթիռ։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել