Տարածաշրջանում տեղի ունեցող արնահեղության ֆոնին իրավիճակի վերաբերյալ իր մեկնաբաությունն էր արել Նիկոլը, որ ԱԺ-ում իր ելույթում հայտարարել էր, թե Հայաստանի վրայով ոչ թե բալիստիկ հրթիռներ են թռչում, այլ օդանավեր, ընդ որում՝ աննախադեպ թվով: «…և ես ուզում եմ ուրիշ բան ասել ձեզ որպես Հայաստանի Հանրապետության վարչապետի պաշտոնը արդեն 7 տարի զբաղեցնող մարդ՝ Հայաստանի Հանրապետությունը երբեք միջազգային իրադրություններին և իրավիճակներին, տարածաշրջանային հնարավոր պրոբլեմներին այնքան պատրաստված չի եղել, ինչքան պատրաստված է այսօր, և դրա ամենակարևոր արտահայտությունն այն արտաքին հարաբերություններն են՝ բալանսավորված և բալանսավորման արտաքին քաղաքականության արդյունքում, որը մենք ունենք։
Ինքնավստահ է հնչում, այնպես չէ՞: Բայց մի հարց էլի՝ «բալանսավորված և բալանսավորման արտաքին քաղաքականության» տակ Նիկոլն ասենք Էրդողանի հետ տալ-առնելը նկատի ունի՞, թե՞ Եվրոպայում Իլհամի հետ սրճելը, գուցե նա նկատի է ունեցել Սամվել Կարապետյանին բանտե՞լը՝ «հակակշռելու» ասենք Ռուսաստանին…
Արտաքին քաղաքականություն ունենում են միջազգային իրավունքի սուբյեկտները, իսկ Հայաստանը վերածվել է Իլհամի սեղանին դրված ճաշատեսակի, որը Նիկոլը պատրաստվում է տաք-տաք մատուցել Էրդողանին՝ պահպանելու համար սեփական իշխանությունը:
Աշխարհում ոչ մի երկիր այսօր այնքան անպատշտպան վիճակում չի գտնվում, որքան մենք, և դա, իհարկե, Նիկոլի վաստակն է, քանի որ մինչ թուրքերը տասնյակ զորավարժություններ էին անում, այս ընթացքում Նիկոլը պետությունն էր կազմաքանդում տարբեր եղանակներով՝ բոլորի աչքի առաջ Հայաստանը փոշիացնելով:

Որքա՜ն անճար ժողովուրդ ենք մենք, որ մի թերուսի ձեռքն այսպես կրակն ենք ընկել՝ չկարողանալով սրանից ազատվել: Չնայած ժողովուրդն ի՞նչ կապ ունի, եթե իրենք իրենց ընդդիմադիր հայտարարած որոշ ուժեր չեն դադարում Նիկոլի հետույքն աթոռին սոսնձած պահել…
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել