Ռուսաստանը և Հյուսիսային Կորեան պայմանավորվել են, որ Փհենյանը սակրավորներ և շինարարներ կուղարկի՝ Կուրսկի մարզի վերականգնմանը մասնակցելու համար։ Այս մասին հայտարարել է Ռուսաստանի Անվտանգության խորհրդի քարտուղար Սերգեյ Շոյգուն Կիմ Չեն Ընի հետ Փհենյանում բանակցություններից հետո, հաղորդում է «Ինտերֆաքս»-ը։
«ԿԺԴՀ պետական գործերի նախագահ Կիմ Չեն Ընը որոշում է կայացրել Ռուսաստան ուղարկել 1,000 սակրավոր՝ Ռուսաստանի տարածքը ականազերծելու համար, ինչպես նաև 5,000 ռազմական շինարար՝ ավերված ենթակառուցվածքները վերականգնելու համար», - ասել է Շոյգուն։
Սա Շոյգուի արդեն երկրորդ այցն է Հյուսիսային Կորեա 2025 թվականի հունիսին։ Հյուսիսկորեական զորքերը մասնակցել են Կուրսկի մարզում տեղի ունեցող մարտական գործողություններին, որոնք սկսվել էին 2024 թվականի օգոստոսին ուկրաինական զորքերի ներխուժումից հետո։
