Shamshyan.com-ը գրում է.
SHAMSHYAN.com-ի տեղեկություններով՝ ապրիլի 10-ին ողբերգական դեպք է տեղի ունեցել Երևանում։ Ժամը 16։20-ի սահմաններում ՀՀ ներքին գործերի նախարարության ոստիկանության համայնքային ոստիկանության գլխավոր վարչության Դավիթաշենի բաժնում տեղեկություն է ստացվել, որ մարտի 24-ին «Այրվածքաբանական ազգային կենտրոն» «ջերմային այրվածք բոցով, դեմքի, գլխի պարանոցի, իրանի զույգ վերին վերջույթների շրջանում 1-ին, 2-րդ, 3-րդ, 4-րդ կարգի, մարմնի մոտ 20 տոկոս, այրվածքային շոկ» ախտորոշմամբ տեղափոխված տղամարդը ապրիլի 10-ին մահացել է։
Ինչպես հայտնում է ֆոտոլրագրող Գագիկ Շամշյանը, հիվանդանոց մեկնած ոստիկանության Դավիթաշենի բաժնի ծառայողները պարզել են, որ տղամարդը Արարատի մարզի բնակիչ 67-ամյա Կամո Խաչատրյանն էր։
Դեպքի փաստով ոստիկանության Դավիթաշենի բաժնում փաստաթղթեր են կազմվել, որոնք փոխանցվել են ՀՀ քննչական կոմիտեի Երևան քաղաքի քննչական վարչության Աջափնյակ և Դավիթաշեն վարչական շրջանների քննչական բաժին։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։
© https://shamshyan.com/hy/article/2025/05/07/1283028
