Ինչպես հայտնի է, Փարաքարում ՔՊ-ն ջախջախիչ պարտություն է կրել. «Միասնություն» կուսակցությունների դաշինքը մոտ կրկնակի անգամ շատ ձայն է հավաքել՝ ի համեմատ ՔՊ-ական թեկնածուի, ինչն առաջացնում է նաև որոշ հետաքրքիր հարցեր: Մասնավորապես՝ հարց է առաջանում՝ ինչո՞վ է պայմանավորված փաստը, որ Փարաքարում ընդդիմությունը ոչնաչացրել է ՔՊ-ին, իսկ բազմաթիվ սոցիալական խնդիրների մեջ թաղված Գյումրիում Սարիկը փստացի թեկնածուներից ամենամեծ թվով ձայներն է հավաքել, ՔՊ-ի հանդեպ գյումրեցիների համակրանքն ավելի մեծ է, քան փարաքարցիների՞նը:

Իրականում պատճառն այլ է. իշխանությունների ամբողջ ուշադրությունը կենտրոնացած է եղել Գյումրի ընտրությունների վրա, ուստի Փարաքարում վարչական ռեսուրսի չարաշահումը, ըստ էության, այնքան էլ տոտալ բնույթ չի կրել: Արդյունքում Փարաքարում արձանագրվել է այն, ինչ որ արձանագրվել է, իսկ Գյումրիում թեպես Սարիկը 50+1 չի խփել, բայց չի էլ կարելի ասել, որ ջախջախվել է: Ակնհայտ է, որ Սարիկի գրանցած տոկոսների առնվազը կեսը վարչական ռեսուրսի տոտալ չարաշահման հետևանք է:

Իշխանությունների համար սա բոլոր դեպքերում լուրջ պարտություն է, քանի որ բնութագրական նշանակություն ունի. եթե վաղը համապետական ընտրություններ լինեին՝ ուղեկցվող անգամ սարսափելի չարաշահումներով, նույն, եթե ոչ ավելի վատ արդյունքն էր արձանագրվելու՝ Նիկոլի համար դրանից բխող բոլոր վատ հետևանքներով: Իշխանություններն իսկապես փակուղային իրավիճակում են, որից չեն կարողանալու ելք գտնել:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել