ՔՊ-ական Պալյան Էմուլը, մեկնաբանելով այն լուրերերը, որ Շիրակի մարզի բազմաթիվ դպրոցներ որոշել են գնումներ կատարել հենց իր եղբորը պատկանող գրենական պիտույքների խանութից, ֆեյսբուքյան գրառմամբ փորձել է հերքել իր կապն այդ ամենի հետ՝ պնդելով, թե Շիրակի մարզի 146 դպրոցից իր եղբորը պատկանող գրենական պիտույքների խանութից գնում է կատարում ընդամենը 7-8 դպրոց այն էլ այն պատճառով, որ իրենց շրջապատի մարդիկ են այդ դպրոցի տնօրենները. իր կողմից ո՛չ հրահանգ, ո՛չ պահանջ, ո՛չ անգամ խնդրանք չի եղել այդ թեմայով:

Բա ո՞նց անենք, որ Շիրակի մարզում առկա գրենական պիտույքների մյուս խանութների տերերն էլ Էմմայի նման ինտիլիգենտ շրջապատ ունենան, դպրոցի տնօրեններով շրջապատված լինեն, որ իրենց խանոթներից էլ մադիկ առևտուր անեն…

Ակնհայտորեն գործ ունենք յուրատեսակ կոռուպցիոն երևույթի հետ. չկա ոչ մի ապացույց, որը կփաստեր, որ Էմման այդ տնօրեններին թեկուզ անուղղակիորեն չի ուղղորդել դեպի սեփական եղբոր խանութ:

Սա ընդամենը մի փոքր դրվագ է այն բարքերից, որոնք տիրում են ՔՊ-ի ներսում այսօր՝ տարածվելով երկրով մեկ, բայց որոնք խնամքով թաքցվում են պոպուլիստական զավզակությունների տակ, որոնք հաճախ հնչում են տարբեր ՔՊ-ակաների շուրթերից:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել