Թևանյան Անդոն հայտարարել է, թե բոյկոտի հարցը քաղաքացիների որոշելիքն է. դա ամենօրյա աշատանք է, և քաղաքացիներն են որոշելու՝ տրանսպորտի գները փոխվում են, թե մնում են նույնը: Ըստ Անդոյի, քանի որ իրենք ու «Կարգին Հայկոն» մեծ թվով ստորագություններ են հավաքել ընդդեմ թանկացումների, հետևաբար՝ պահանջն ունի ամուր լեգիտիմ հիմքեր, իսկ դրա արդյունքները կախված են քաղաքացիների հաստատակամոթյունից:

Անդոյի հայտարարությունը մի տեսակ խուսափողական չի՞ հնչոմ՝ չնայած նրան, որ նա պնդում է, թե պատրաստ են գիշերը ցերեկ դարձրած կանգառներից տուն չգալ: Խնդիրն այն է, որ ցանկացած պայքար բնականորեն ունի ժամանակային լիմիտ, և եթե որևիցե ուժի չի հաջողվում այդ ժամանակային սահմաններում տեղավորվել ու հանրային դժգոհությունը, բողքը կապիտալիզացնել, ապա տապալվում է և՛ հասարակական պայքարը, և՛ այն առջնորդող ուժը: Հիմա Անդոն ունի՞ պլան, թե ինչպես է հանրային բողոքը կապիտալիզացնելու: Մեկ ամիս, երկու ամիս կարող են քաղաքացիները կամ նրանց մի մասը այսպես ասած ճակատի զոռով չվճարել, բայց հավատացեք, որ երորրդ ամսում այլևս այդ բանաձևը չի աշխատելու, ու տեսնելով, որ արդյունք չկա՝ նույնիսկ ամենապնդաճակատերն են դադարելու պայքարել:

Ադոն այս ամենը հրաշալիորեն հասկանում է և հասկանալով՝ իր համար հիմքեր է նախապատրաստում՝ նահանջելու: Կասի՝ քաղաքացիները բավարար հետևողականություն չդրսևորեցին, մինչև վերջ չբոյկոտեցին, հետևաբար՝ իրեն այլ բան չի մնում, քան հաշտվել 150 դրամի հետ, որն Անդոն անպայմանորեն կներկայացնի որպես անձնական ձեռքբերում ու հաղթանակ՝ խայտառակվելուց խուսափելու:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել