Թերևս հասկանալով, որ անիմաստ են փորձում ընտանեկան պոդքաստի միջոցով հանրության մոտ իրենց անձի հանդեպ դրական վերաբերմունք ձևավորել՝ Նիկոլն ու Աննան պոդքաստի երկրորդ սերիայում միանգամից անցել են իրենց համար ամենահոգեհարազատ թեմային ու սկսել հանրության ուղեղը «ծամել» «իրական» Հայաստանի մասին տխմարաբանություններով: Մարդուն «դամ պահելով»՝ Աննան, որ ակնհայտորեն չի փայլում ուղեղի ծալքերի քանակությամբ, մի «դարակազմիկ» միտք է արտահայտել ու պնդել, թե փաստերն իրար կողք շարելով՝ հանգել է այն մտքին, որ տասնամյակներ ի վեր չունենալով «իրական» Հայաստանի մասին գաղափարախոսություն՝ այդ ողջ ընթացքում չենք ունեցել ո՛չ խաղաղություն, ո՛չ բարեկեցություն, ո՛չ անվտանգություն, ոչ մի բան…

Եվս մի քանի նմանատիպ սերիա, ու Աննան Նիկոլի երգը երգած կլինի ՝ նրա կարիերան հավերժ տապալելով: Փաստորեն՝ ըստ Աննայի՝ իրենք են, որ «իրական» Հայաստանի մասին լոլոներ դուրս տալով ազգին խաղաղություն, բարեկեցվություն ու անվտանգություն են շնորհել կամ փորձում են դա անել: Իրականությունը տրամագծորեն հակառակն է. Հայաստանի կործանումը սկսվեց «իրական» Հայաստանի ջատագովների ճամարտակություններով, ու հօդս ցնդեցին թե՛ անվտանգությունը, թե՛ բարեկեցությունը և թե՛ խաղաղությունը:

Այո, գուցե եվրոպական մակարդակի բարեկեցություն չկար նախահեղափոխական Հայաստանում, բայց կաային առնվազն անվտանգություն, խաղաղություն ու կանխատեսելիություն՝ բաներ, որոնք ի չիք են դարձել «թազա» Հայաստանում, ու որոնց մասին կարելի է միայն երազել:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել