Արցախցիների հետ հանդիպմանը, որը չի դադարում հնարավոր բոլոր միջոցներով անդադար գովազդել, Թևանյան Անդոն պատմել է, թե ինչպես է 2019-ին հասկացել, որ Նիկոլի վարած քաղաքականության պատճառով կարող ենք եղած-չեղածը կորցնել. Արցախում լեկցիա կարդալու նպատակով այնտեղ մեկնող Թևանյան Անդոյի սիրտը չէր ընդունում, բայց ուղեղը հասկանում էր, որ իրականացվող գիծը բերելու է ամենաողբերգական զարգացումների:
Նման սրտաճմլիկ, պաթետիկ հայտարարություններ անելիս Անդոն հոգու խորքում իրեն մեղավոր չի՞ զգում, չի՞ հասկանում, որ Արցախը կորսվեց նաև ու գուցե նախևառաջ իր նմանների պատճառով. 2018-ին Անդոյի սիրտն ամբողջությամբ Նիկոլի ոտքերի տակ էր, իսկ ուղեղը՝ անջատված, նրան գերել էր Աննայի ամուսնու թրաշը՝ ստիպելով ազգին սպառնալ իսլամացմամբ այն դեպքում, եթե նախագահ Սարգսյանը չհեռանա:
Մի՞թե Անդոն, որ իրեն ներկայացնում է նախևառաջ որպես ինտելեկտուալ, չէր հասցրել վայելել Նիկոլի «Երկրի հակառակ կողմը» ու հասկանալ, որ նման բովանդակության գիրք գրող մարդը չի կարող ազգի գլխին օրհնանք դառնալ:
Բայց 2018-ին Անդոն իր հաշվարկներն ուներ ու հակված չէր զոռ տալ ուղեղին հատկապես մի դեպքում, երբ սիրտը Հակոբյան Աննայի փեշի տակ էր գտնվում, իսկ Սյամոն էլ՝ ճաղերի հետևում…
