Բաբոն, իհարկե, շատ լավ գիտի այդ հարցի պատասխանը, ուղղակի Հ1-ի Պետոյի եթերում չի հանդգնալ բարձրաձայնել այն՝ թերևս վախենալով, որ Նիկոլն իրեն էլ կարող է «թրաշել». մի երկիր, որը չունի ապագա, չի կարող գրավիչ լինել պոտենցիալ ներդրողների համար, և սա աքսիոմ է:
Հարցն այն է, թե ինչու Հայաստանը չունի ապագա մի դեպքում, երբ իշխող խմբակը բոլորիս խոստանում էր պայծառ ապագա՝ քարոզելով՝ այն կա:
Պատասխանը պարզից էլ պարզ է՝ չունի քանի որ իշխանության ղեկին մի ուժ է, որը կյանքի է կոչում «Արևմտյան Ադրբեջան» նախագիծը՝արագացնելով պետականության վախճանը: Ո՞ր մի նորմալ մարդն իր փողերը կներդնի մի երկրում, որը սրընթաց անկում է ապրում ու բոլոր պարամետրերով վերածվել է ձախողված պետության. չկա անվտանգություն, չկա խրախուսական հարկային քաղաքակնություն ու նորմալ դատաիրավական համակարգ, չկա գնողունակ ու բավարար թվով բնակչություն, բայց կա բլոկադա ու ՔՊ, որ թշնամու ծրագիրն է երկրում առաջ մղում: Նորմալ մարդիկ իրենց կապիտալը երկրից դուրս են հանում ու այն շատ ավելի կանխատեսելի վայրեր տեղափոխում՝ չցանկանալով սեփական հարստությունը թողնել թուրքին. եթե դառնում ենք «Արևմտյան Ադրբեջան», ապա, բնականաբար, ինչ կա-չկա մնալու է Իլհամին:
Միայն կապիտալի նման արտահոսքի ու չեղած ներդրումնեի փաստը բավական է՝ իրական պատկերացում կազմելու ոչ միայն տնտեսական իրական վիճակի, այլև առհասարակ երկրի ներկայի ու գալիքի մասին:
Նյութի աղբյուր՝ https://t.me/armeniainfo11/3418
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
