ԱՄՆ նախագահ Բայդենն Իլհամին նամակ է գրել՝ կոչ անելով աբհապաղ խաղաղության պայմանագիր ստորագրել: Նախագահը, որ կոչ է արել ստեղծագործաբար մոտենալ հարցին ու գնալ փոխղիջումների, Իլհամին հայտնել է, որ իր հատուկ օգնական, Եվրոպայի գծով գլխավոր տնօրեն Մայքլ Քարփենթերը կտեղեկացնի կոնկրետ քայլերի մասին, որոնք ԱՄՆ-ն պատրաստ է ձեռնարկել և կպարզի Իլհամի դիրքորոշումը՝ Հայաստանի հետ բանակցությունների վերաբերյալ։ «Հուսով եմ՝ դուք կօգտվեք այս հնարավորությունից՝ տարածաշրջանի համար ընդհանուր բարգավաճման և ընդհանուր բարօրության նոր ուղի գծելու համար»,-հույս է հայտել ԱՄն նախագահը:

Հայաստանի հետ խաղաղության պայմանագրի չկնքումը շատերը պայմանավորում են Մոսկվայի՝ Իլհանի վրա ունեցած ազդեցությամբ. Արևմուտքի միջնոդրությամբ խաղաղության կնքումը հանգեցնելու է Կովկասում ՌԴ դիրքերի էական սասանմանը՝ վերջնարդյուքնում բերելով տարածաշրջանից վտարման: Իլհամն առայժմ կարողանում է բավարարել Մոսկվայի ցանկությունները, քանի որ Արևմուտքը, ըստ էության, դեռևս խիստ չի խոսել Բաքվի հետ՝ պայմանավորված մի շարք աշխարհքաղաքական ու աշխարհատնտեսական հանգամանքներով:

Արդյոք Բայդենի նամակը «դեղին քար՞տ» է Իլհամի համար: Նամակում զգացվում է որոշակի սպառնալից տոնայնություն. օգնականին վերաբերող հատվածում ԱՄՆ-ն հստակորեն հասկացնու է, որ «դեդլայնը» գերազանցելու դեպքում կարող են լինել լուրջ հետևանքներ, իսկ թե հատկապես ինչ տեսքով, Իլհամին կհայտնի Քարփենթերը:

Բաքուն կտրվի՞ ճնշումներին՝ հատկապես հաշվի առնելով Ստամբուլում օրերս Ֆիդանի կողմից արված հայտարարությունները խաղաղության անհրաժեշտության մասին:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել