Հայաստանն ու Թուրքիան արդեն պայմանավորվել են համատեղ գնահատել Գյումրի-Կարս երկաթուղով սահմանի անցման տեխնիկական պահանջները:
Այս մասին Ազատության փոխանցմամբ, «3+3» հարթակի նիստի ժամանակ ասել է Արարատ Միրզոյանը
«Սա լրացնում է Հայաստանի և Թուրքիայի միջև ուղիղ չվերթերի հաստատման և օդային բեռնափոխադրումների արգելքները փոխադարձաբար վերացնելու մասին արդեն իսկ իրականացված որոշումները:
Հայաստանն արդեն ավարտել է Մարգարայի անցակետի շինարարությունը և տեխնիկական վերազինման ապահովումը»,- ասել է նա:
Հիշեցնենք, որ այսօր Ստամբուլում տեղի է ունեցել «3+3» հարթակի նիստը, որին միայն չէր մասնակցել Վրաստանը:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
