![](/static/news/b/2024/08/873033.jpg)
2024թ․ օգոստոսի 20-ին ՀՀ քննչական կոմիտեի Կոտայքի մարզային քննչական վարչություն է ստացվել ՌԴ քաղաքացու՝ ՀՀ ՆԳՆ ոստիկանության բաժնում տված հաղորդումն այն մասին, որ նույն օրը, ժամը 10-ի սահմաններում, երկու ընկերոջ հետ գնացել են Կոտայքի մարզի Ծաղկաձոր համայնքի Հանքավան բնակավայր՝ հեծանիվ վարելու, և հետ վերադառնալիս իր ընկերներից մեկը՝ Մարկ Լարինը, Հանքավան բնակավայրից մինչև Արտավազ բնակավայր ճանապարհին կորել է։
Մարդու անհետ կորելու վերաբերյալ պատշաճ հաղորդման առթիվ նախաձեռնվել է քրեական վարույթ՝ ՀՀ քրեական օրենսգրքի 155-րդ հոդվածի 1-ին մասի հատկանիշներով։
Օգոստոսի 21-ին վարույթն իրականացնող մարմինը տեղեկացվել է, որ որոնողական աշխատանքների արդյունքում 2002թ․ ծնված Մ․ Լարինի դին հայտնաբերվել է Հրազդան-Հանքավան ավտոճանապարհին՝ ջրամբարի մոտակայքում։
Քննիչը մեկնել է դեպքի վայր։ Կատարվել են անհետաձգելի քննչական գործողություններ, մասնավորապես՝ դեպքի վայրի զննություն։
Դիակի արտաքին զննությամբ, նախնական տվյալներով, մարմնի վրա բռնության տեսանելի հետքեր չեն հայտնաբերվել։ Մահվան պատճառները պարզելու նպատակով նշանակվել է դատաբժշկական փորձաքննություն։
Իրականացվում են անհրաժեշտ քննչական և վարութային գործողություններ դեպքի հանգամանքները պարզելու նպատակով։
![Возможно, это изображение 7 человек](https://scontent.fevn7-1.fna.fbcdn.net/v/t39.30808-6/456600935_1537593716875467_7175559499053798779_n.jpg?_nc_cat=109&ccb=1-7&_nc_sid=127cfc&_nc_ohc=yxRRrlSvM74Q7kNvgFnlv3M&_nc_ht=scontent.fevn7-1.fna&oh=00_AYDJ194guUnikNF7qa3LqMxYUUsM0KIwDJZeykgU5QcKzA&oe=66CBE0F2)
![Возможно, это изображение 4 человека, скорая помощь, дорога и текст](https://scontent.fevn7-1.fna.fbcdn.net/v/t39.30808-6/456112416_1537593723542133_363492732890828930_n.jpg?_nc_cat=100&ccb=1-7&_nc_sid=127cfc&_nc_ohc=vF8N2cl0TEAQ7kNvgGEGQaV&_nc_ht=scontent.fevn7-1.fna&oh=00_AYD8N6lzaVkKhh99hjw4_VUvKil4VD54PBWohvR4mNgTpg&oe=66CBF549)
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել