![](/static/news/b/2024/07/870929.jpg)
2024 թվականի հուլիսի 26-ին՝ ժամը 01:30-ի սահմաններում, Գյումրի-Վանաձոր ավտոճանապարհի 15-րդ կիլոմետր հատվածում՝ Շիրակի մարզի Ախուրյան համայնքի Ջաջուռ բնակավայրի վարչական տարածքում, իրար են բախվել «BMW X3 3.01» մակնիշի և «HONDA FTT 1.3» մակնիշի ավտոմեքենաները, ինչի հետևանքով «HONDA FTT 1.3» մեքենայի վարորդը և վերջինիս կինը տեղում մահացել են, իսկ նրանց 8-ամյա որդին, ստացած մարմնական վնասվածքներով տեղափոխվել է «Գյումրի բժշկական կենտրոն», որտեղ, գիտակցության չգալով, ևս մահացել է:
«BMW X3 3.01 » մակնիշի ավտոմեքենայի վարորդը դեպքի վայրից դիմել է փախուստի: Վերջինիս ինքնությունը պարզվել է։
Դեպքի առթիվ 2024 ՀՀ քննչական կոմիտեի Շիրակի մարզային քննչական վարչության Ախուրյանի քննչական բաժնում ՀՀ քրեական օրենսգրքի 342-րդ հոդվածի 3-րդ մասով նախաձեռնվել է քրեական վարույթ, իրականացվում է նախաքննություն։
Դեպքի վայրի զննությամբ պարզվել է, որ ճանապարհի հանդիպակած երթևեկելի գոտում հայտնաբերվել են վթարված «BMW X3 3.01» մակնիշի ավտոմեքենան, իսկ նույն գոտու կողնակին՝ շրջված «HONDA FTT 1.3» ավտոմեքենան, որոնք ևս զննվել են։
Որոշումներ են կայացվել ընտանիքի մահացած անդամներին տուժող ճանաչելու, դիակների դատաբժշկական փորձաքննություն նշանակելու մասին։
Հանձնարարություն է տրվել ոստիկանության համապատասխան ստորաբաժանմանը օպերատիվ-հետախուզական միջոցառումներ անցկացնելու, BMW ավտոմեքենայի վարորդին հայտնաբերելու և վարույթն իրականացնող մարմնին ներկայացնելու վերաբերյալ։
Քրեական վարույթով նախաքննությունը շարունակվում է:
![Возможно, это изображение 3 человека, скорая помощь и текст](https://scontent.fevn2-1.fna.fbcdn.net/v/t39.30808-6/452872468_1521607548474084_3927698387855039195_n.jpg?_nc_cat=106&ccb=1-7&_nc_sid=833d8c&_nc_ohc=nwcI5nQrn7gQ7kNvgEXBb-F&_nc_ht=scontent.fevn2-1.fna&oh=00_AYAJixUAertiYkrvocN0bS6cHFRLwZZ0o42vI7NIaatb0Q&oe=66A94CCD)
![Возможно, это изображение 7 человек, автомобиль, дорога и текст](https://scontent.fevn12-1.fna.fbcdn.net/v/t39.30808-6/453074674_1521607578474081_2094894627007006747_n.jpg?_nc_cat=111&ccb=1-7&_nc_sid=833d8c&_nc_ohc=UykFQWjoB00Q7kNvgEYKiUV&_nc_ht=scontent.fevn12-1.fna&oh=00_AYABeG8ZstGPlU3bOHQkqDlH-AU_Y5iPqEMChtOmrnCE_w&oe=66A979AC)
![Возможно, это изображение 4 человека и скорая помощь](https://scontent.fevn2-1.fna.fbcdn.net/v/t39.30808-6/453143989_1521607615140744_3574691622715084988_n.jpg?_nc_cat=105&ccb=1-7&_nc_sid=833d8c&_nc_ohc=qk3TK81j_QAQ7kNvgFesgb5&_nc_ht=scontent.fevn2-1.fna&oh=00_AYB-cb1mgh7ZgpOBplZxx8ulo4exb_Cd-s3X_H9Mu_nQJA&oe=66A97B1F)
Նյութի աղբյուր՝ https://www.facebook.com/abrahamyangor79/posts/pfbid02MKfVpEQxABZtfFhxU3NWuXg7NfUTiGNHvyCCdP9YsTsmudX537BeKZaQVBhNcLeFl
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել