Հայտարարելով, որ Խոջալուում ցեղասպանություն չի եղել, և որ պետք է ոչ թե Ադրբեջանն այսօր Հայաստանին մեղադրանքներ ներկայացնի, այլ՝ հակառակը՝ նկատի ունենալով Արցախում կատարվածը, ինչը չի արվում՝ Սյամոն պնդել է, թե ներկայիս իշխանությունների այս վարքագիծը ողջունում է նաև ժողովուրդը, քանի որ հաշտ է իշխանութունների հետ:
Հարց է առաջանում՝ Սյամոն ի՞նչ հիմքով է պնդում, թե հասարակությունն այս իշխանությունների հետ հաշտ է: Առնվազը սոցիոլոգիական բոլոր հարցումները ցույց են տալիս, որ ներկայումս ՔՊ-ական իշխանությունը 15%-ից ավել աջակցություն չունի հասարակոթյան ներսում, իսկ ոչ վաղ անցյալում երևանյան ավագանու ընտրությունները միայն հաստատել էին իշխանությունների ոչ պոպուլյար լինելը: Այո՛, գուցե ընդդիմադիր լիդերներն էլ չեն փայլում իրենց ժողովրդականությամբ, բայց ՔՊ-ի վիճակը շատ ավելի վատ է ու միտում չունի բարելավելու: Իսկ սա նշանակում է, որ հանրությունը չի ողջունում այն քաղաքականոթյունը, որը վարվում է ոչ միայն երկրի ներսում, այլև՝ դրսում, բայց հատկապես Ադրբեջանի մասով տարվող քաղաքականությունն է սխալ համարում՝ նկատի ունենալով այդ քաղաքականության հետևանքով Հայաստանի արձանագրած կորուստների փաստը:
Հետևաբար՝ Սյամոյի պնդումը թյուր է և թերևս նպատակ ունի՝ ինչ-որ տեղ լեգիտիմացնելու իշխանությունների ներկայիս կեցվածքը՝ «Նիկոլը գլխավոր պատախսանատուն է, բայց միակ մեղավորը չէ» չարչրկված սկզբունքով:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել