Aravot.am-ը գրում է.
ԱԺ նախագահ Ալեն Սիմոնյանը կարծում է՝ եկել է ժամանակը, որ Հայ առաքելական եկեղեցին հարկվի։
«Մենք պետք է հասկանանք՝ հարկային այն պարտավորությունները, որոնք բոլորի համար առկա են, եկեղեցու հանդեպ ինչո՞ւ չի կիրառվում։ Ես կարծում եմ, որ մոտ ժամանակներում պետք է քննարկենք այս հարցը»,- ԱԺ-ում այս մասին հայտարարեց նա։
Սիմոնյանի խոսքով՝ եկեղեցին մոմ, գինի, կոկա-կոլա է ծախում, հարստանում է, բայց հարկ չի վճարում։
«Ես ուզում եմ հասկանամ՝ ինչո՞ւ պետք է իրենք հարկ չվճարեն։ Օրենսդրական առումով մենք պետք է վերանայենք ու հասկանանք, թե ինչով է, օրինակ, եկեղեցականը, որի թաթիկը համբուրում են, ավելի օրենքից բարձր, քան հասարակ գործարարը, որը հարկ է վճարում, բանակի համար փամփուշտ է գնում, իմ համար մեր մեծ հարկատուները ամենակարևոր մարդիկ են, իրենք ֆինանսավորում են ՀՀ անվտանգությունը»,- նշեց ԱԺ նախագահը։
Անդրադառնալով Սուրբ Աննա եկեղեցու բակում հավաքներին՝ նա ասաց. «Ո՞վ է ձեզ թույլ տվել մտնել իմ եկեղեցու շինություն ու միտինգներ կազմակերպել»։
