![](/static/news/b/2024/04/862888.jpg)
Ցեղասպանությունը ողբերգություն լինելուց առաջ` հանցագործություն է: Ցեղասպանի իրավահաջորդների կողմից դրա ժխտումը` առնվազն հանցակցություն, իսկ առավել հավանական է` այդ հանցագործությունն ավարտին հասցնելու մտադրության նախանշան: Հայաստանն այսօր հասցվել է այնպիսի վիճակի, որ իրավահաջորդները, որոնք նախկինում ապրիլյան այս օրերին փորձում էին կամ լուռ մնալ, կամ լղոզված ուղերձներով մշուշել լրատվական դաշտն, այլևս անթաքույց պայմաններ և պահանջներ են թելադրում:
Մի պահ պատկերացրե՛ք աշխարհի արձագանքը, եթե Հոլոքոստի տարելիցին Գերմանիայի որևէ ղեկավար փորձեր քարոզներ կարդալ, առավել ևս` պահանջներ թելադրել Իսրայելին: Այսօր ուղերձներն ու հեռագրերն առոչինչ են, եթե չկա հնչող անբարտավան հայտարարություններին համաչափ արձագանք: Այդ արձագանքը Հայաստանի անվտանգությանն աջակցելու պատրաստակամության խոստումների նվազգույն փորձաշեմն է:
Անկախ նրանից, թե անվտանգության ապահովման ինչ ճարտարապետություն կորդեգրի Հայաստանն այսօր կամ ապագայում, մինչև Հայոց ցեղասպանության Թուրքիայի կողմից ընդունումը, դատապարտումն ու մեղքի ճանաչումը, այդ հանցագործության րեցիդիվի կանխարգելումը պետք է մնա Հայաստանի ռազմավարական դոկտրինի առանցքում, քանի որ ժխտողականությունը ոչ թե բարոյական, այլ` անվտանգային դաշտի իրական սպառնալիք է:
Թե բա խաղաղության խաչմերուկ…
Գարուն ա, ձյուն ա արել…
![Возможно, это зарисовка](https://scontent.fevn7-1.fna.fbcdn.net/v/t39.30808-6/440053303_984844153001804_4362593678502513464_n.jpg?_nc_cat=109&ccb=1-7&_nc_sid=5f2048&_nc_ohc=4Pk0A9sY9l4Ab6C4tSt&_nc_ht=scontent.fevn7-1.fna&oh=00_AfALS7VNGmrACC34IswRmixNQCQ-T3p-CLdvjX6jKQuZvw&oe=662EDC93)
Նյութի աղբյուր՝ https://www.facebook.com/Vigen.A.Sargsyan/posts/pfbid02on1o92QBKhG3sBWzASJQYswjedG6NjPoqywF6r2oiBzXJPXkgFaRYGJAjLHdjpQwl
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել